Тэнцвэртэй хооллолт гэж юу вэ?
Хэрэв та өдөр тутам хийдэг гол зүйлсийнхээ тэнцвэрийг хадгалж чадаж байвал урт удаан эрүүл энх аз жаргалтай амьдарч чадна. Аливаа зүйлийн тэнцвэр алдагдах үеэс сөрөг үр дагаврууд гарч эхэлдэг. Хоол, амралт, гэр бүлийн харилцаа, ажил, дасгал хөдөлгөөн гээд бүх зүйлд тэнцвэр чухал.
ТЭНЦВЭРТЭЙ ХООЛНЫ ДЭГЛЭМ
Ихэнх хүмүүсийн хувьд тэнцвэртэй хоололт нь бие махбодийг шаардлагатай шим тэжээлээр хангахын тулд өөр өөр төрлийн хоол хүнсийг тохирох хэмжээгээр хангадаг хооллолт юм. Хамгийн энгийнээр хэлбэл тэнцвэртэй хоололт нь тослог багатай уураг хангалттай хэмжээгээр, сайн нүүрс усны эх үүсвэр, бага хэмжээний сайн өөх тосны эх үүсвэр гэж хэлж болно.
Гэхдээ тэнцвэртэй хооллолтын өөр нэг зүйл бий. Энэ бол илчлэгийн тэнцвэрийн талаарх ойлголт юм. Таны хоолоор дамжуулан авч буй илчлэг нь таны биеийн шатааж буй илчлэгтэй ойролцоо эсвэл тэнцүү байх хэрэгтэй. Таны зорилгоос шалтгаалаад авч буй болон шатааж буй илчлэгийн харьцаа өөр байх боломжтой л доо. Гэсэн хэдий ч уураг, нүүрс ус, өөх тосыг тэнцвэртэй байлгахын тулд илчлэгийг ухаалгаар зарцуулаарай. Мөн шингэний хэрэгцээгээ хангахын тулд хангалттай шингэн ууж, шаардлагтай эслэгээ авах хэрэгтэй.
ТЭНЦВЭРТЭЙ ФИТНЕС
Тэнцвэртэй эрүүл хооллолтын төлөвлөгөөтэй хослуулсан фитнесийн дасгалууд нь биеийн бүтцийн хувьд оновчтой үр дүнд хүрэхэд тусална.
Фитнесийн төлөвлөгөөнд дараах үндсэн дөрвөн бүрэлдэхүүнийг тэнцвэржүүлэх арга замыг эрэлхийлээрэй.
СУНГАЛТ: Тогтмол сунгалтын дасгал хийх нь уян налархай болоход тусална.
КАРДИО: Зүрх судасны үйл ажиллагааг идэвхжүүлдэг дасгал хөдөлгөөн хийх нь зүрхний эрүүл мэндэд тустай ба илүүдэл илчлэгийг шатаахад ч тусалдаг.
ХҮЧ ЧАДАЛ: Дасгал сургуулилтандаа эсэргүүцэлд тулгуурласан дасгалыг оролцуулах нь илүүдэл жингээсээ салах, туранхай булчингийн массыг нэмэгдүүлэх боломжтой бөгөөд энэ нь илчлэгийг илүү үр дүнтэй шатаахад тусалдаг.
ТЭВЧЭЭР: Тогтмол, уртасгасан биеийн тамирын дасгал хийх нь булчингийн хүчийг сайжруулж, тэсвэр тэвчээрийн ерөнхий түвшинг дээшлүүлдэг.
Сэтгэгдэл