Улс төр


Амиа алдсан цэргүүдийн талаар асуулга хүргүүллээ

4 жил TIMES.MN

    УИХ-ын гишүүн Ц.Даваасүрэн Хууль зүйн сайд Д.Дорлигжавт Увс аймгийн Баруунтуруун суман дахь Хилийн 0311 дүгээр ангид болсон үйл явцтай холбоотой асуудлаар асуулга хүргүүлжээ.

 

Тэрбээр асуулгадаа Хууль зүйн сайдад өмнө нь эл асуудлаар 2013 оноос хойш 4 удаа асуудлыг шийдвэрлэж өгөх хүсэлт бүхий албан тоот хүргүүлж байсан гэдгийг дурдсан байна. Өөрөөр хэлбэл, 2012 оноос хойш нийтдээ Хилийн 0311 дүгээр ангид 19-21 насны 5 залуу нас барж, 5 залуугийн биеийн байдал хүнд, бусдын асаргаанд байгаа асуудалд салбарын сайдыг тодорхой хариу өгөх нь зүйтэй хэмээн үзэж байгаагаа илэрхийлсэн байна. Цаашид Хөвсгөл аймгаас тус ангид цэрэг татлага явуулахгүй гэж байгаа ч өөр аймгийн хэн нэгэн эцэг эхийн хүүхдэд ийм байдал тохиолдохгүй гэх баталгаа байхгүй хэмээн үзэж Ц.Даваасүрэн гишүүн, илүү тодорхой хариу нэхэж байгаа юм байна. Мөн тэдгээр хүүхдүүдийн эцэг эхээс Хил хамгаалах ерөнхий газарт болон салбарын сайдад удаа дараа өргөдөл явуулж байсан боловч тодорхой хариу аваагүй гэнэ. Иймээс асуулгын хариуг УИХ-ын чуулганы нэгдсэн хуралдаанаар сонсох болно гэж Ц.Даваасүрэн хэллээ.





Холбоотой мэдээлэл


АНХААРУУЛГА


Уншигчдын бичсэн сэтгэгдэлд times.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.