Шинжлэх ухаан, технологи, инновац дэмжигч

Сонгуулийн сурталчилгаа эхэлнэ

Timesmn@gmail.com
2024/06/10

УИХ-ын 2024 оны ээлжит сонгуулийн сурталчилгаа өнөөдөр орон даяар  албан ёсоор эхэлнэ.  СЕХ энэ өдөр сонгуульд нэр дэвшигчээр бүртгэгдсэн иргэдэд үнэмлэхийг нь олгож,  АТГ нэр дэвшигчдийн хөрөнгө орлогын мэдүүлгийг, Үндэсний аудитын газар нам эвсэл болон бие даан нэр дэвшигчдийн сонгуулийн мөрийн хөтөлбөр, түүнд хийсэн дүгнэлтийг цахим хуудастаа нээлттэй байршуулна.  Нэр дэвшигчийн үнэмлэхийг өнөөдөр 19 нам, хоёр эвслийн төлөөлөл 08.00 цагаас эхлэн хүлээн авна. Бие даан нэр дэвшигчдийн тухайд өөрсдөө болон төлөөлөх хүн очиж үнэмлэхийг авах юм. Сонгуулийн сурталчилгаа эхэлсэнтэй холбоотойгоор  Сонгуулийн тухай хууль сурталчилгааг хэрхэн явуулахаар тусгасныг хүргэж байна. 

-Нэг дэвшигч санал авах өдрийг дуустал сонгогчдын саналыг татах зорилгоор бараа, эд зүйл хөнгөлөлттэй үнээр худалдсан, аливаа үйлчилгээг хөнгөлөлттэй болон төлбөргүйгээр үзүүлэхийг хориглодог.

-Мөн нийтийг хамарсан биеийн тамирын уралдаан, тэмцээн, баяр наадам, урлагийн тоглолт, хүлээн авалт, дайллага, цайллага, хонжворт сугалаа зохион байгуулах, сонгогчдыг гадаад, дотоодод аялал зохион байгуулан оролцуулах, амралт, сувилалд амрааж, сувилуулж болохгүй.

-Ирээдүйд өөрийн болон бусдын хөрөнгөөр мөнгө, эд бараа өгөхөөр гэрээ байгуулсан, хэлцэл хийсэн, хишиг хувь, хувьцаа өгөх, ажлын байранд зуучлах, ажилд оруулах зэргээр давуу байдал олгосон, амлалт өгөх, сонгуульд оролцохоос татгалзах болон сонгуулийн хууль тогтоомж зөрчихийг уриалсан агуулга бүхий сурталчилгаа явуулах хуулиар хориотой.

-Сонгуулийн сурталчилгаа явуулах эрх бүхий этгээд хуульд зааснаас өөр арга хэлбэрээр сонгуулийн сурталчилгаа явуулсан, зөвшөөрснөөс бусад хугацаанд сонгуулийн сурталчилгаа хийсэн, нам, эвслийн нэр дэвшигч тухайн нам, эвслийн мөрийн хөтөлбөрөөс тусдаа мөрийн хөтөлбөр гаргаж ашигласан, хандив өгөхийг хориглосон этгээдээс өгсөн хандивыг буцаан шилжүүлээгүй бол хууль бусаар олсон хөрөнгө, орлогыг хурааж, торгуулийн арга хэмжээ авах зохицуулалттай.

 

-Харилцаа холбооны зохицуулах хорооны цахим орчинд сонгуулийн сурталчилгаа явуулах, хяналт тавихад баримтлах зарчмыг баталжээ. Тус зарчимд, Сонгуулийн үйл ажиллагааны ил тод байдлыг хангах зарчмын хүрээнд сонгуулийн сурталчилгааг цахим хуудсанд байршуулахад нам, эвсэл, нэр дэвшигчийн мэдээлэл (нэр, далбаа, таних тэмдэг, сонгуулийн уриа)-ийг олон нийтэд ойлгомжтой, нээлттэй ил тод харагдахуйц байдлаар тэмдэглэнэ. 

-Монгол Улсын Их хурлын сонгуулийн тухай хууль, тогтоомжид заасны дагуу бүртгүүлээгүй цахим хуудсыг ашиглан сонгуулийн сурталчилгаа явуулахгүй.

-Хиймэл оюун ухаан ашиглан бүтээсэн сонгуулийн сурталчилгаа, сонгуультай холбоотой мэдээлэл бүхий зураг, дууны, дүрсний, дуу-дүрсний бичлэгт “Хиймэл оюун ухаан ашиглан бүтээсэн” гэх таних тэмдгийг харагдахуйц байдлаар байрлуулах бөгөөд таних тэмдгийг байрлуулаагүй тохиолдолд уг контентыг энэхүү журмын 6.6-д заасны дагуу хязгаарлах арга хэмжээ авна” гэж заажээ.

-Домэйн нэрийн жагсаалтыг сонгуулийн сурталчилгаа эхэлснээс хойш сонгуулийн санал авах өдрийн дараах өдөр хүртэл хугацаанд 4 цаг тутам шинэчлэх бөгөөд шаардлагатай тохиолдолд нэн дариу шинэчилнэ.

-Нам, эвсэл, нэр дэвшигч нь сонгуулийн сурталчилгаанд ашигласан цахим хуудсыг сонгуулийн сурталчилгаа дууссан өдрөөс сонгуулийн санал авах өдрийн дараах өдөр хүртэл хугацаанд түр хязгаарлах буюу сонгогчдод харагдахгүй болгох технологийн арга хэмжээ авах үүрэгтэй. 

-Сонгуулийн сурталчилгааг нэр дэвшигчид үнэмлэх олгосон өдрөөс буюу өнөөдрөөс эхлэн олгож санал авах өдрөөс 24 цагийн өмнө буюу зургаадугаар сарын 26-нд  зогсооно.

 Т.БАТСАЙХАН

Эх сурвалж: “Зууны мэдээ” сонин

2024 ОНЫ ЗУРГАДУГААР САРЫН 10. ДАВАА ГАРАГ. № 114 (7358)


0
angry
0
care
0
haha
0
liked
0
love
0
sad
0
wow

Шинэ мэдээ
УИХ-д дэвшиж буй Засаг дарга нар ичих булчирхайтай бол нэрээ тат! Өчигдөр
ГУББГ-аас нийт дөрвөн байршилд 31 рейсээр 2734 тонн ус соруулаад байна Өчигдөр
Иргэдийн аюулгүй байдлыг хангаж, бэлэн байдалд ажиллаж байна Өчигдөр
Би харж байна. Бас сонсож байна... Миний сонголт Маргаашийг гэрэлтүүлн… Өчигдөр
Улаанбаатар хотын бондын анхдагч арилжааг нээж, цан цохилоо 2024/06/20
ШИЙДЭЛ: Говийн бүсийг усжуулах боломж байна. 2024/06/19
ХӨШИГИЙН ХӨНДИЙГ ТҮШИГЛЭЖ ЯМАР БҮТЭЭН БАЙГУУЛАЛТ ХИЙГДЭХ ВЭ? 2024/06/19
САИНН-аас нэр дэвшигч ЦЭДЭНГИЙН ЭНХТУЯА Дархан хотод ажиллалаа 2024/06/19
​МАН-ын дарга, Монгол Улсын Ерөнхий сайд Л.Оюун-Эрдэнэ СХД-ийн иргэд с… 2024/06/19
#Шууд Нэр дэвшигч Б.Баттөмөр цаг үеийн асуудлаар Ардчилсан намын байр … 2024/06/19
Д.Оюунбат: Өчигдөр шөнө орсон аадраар үерийн нөхцөл байдал үүсээгүй 2024/06/19
Г.Сайханбаяр бүх шатны хуулийн байгууллагад хандахаа мэдэгдлээ 2024/06/18
Би Лувсандашийн Нинжжамц байна 2024/06/17
С.Лүндэгийг Ерөнхий сайд ингэж үнэлэв 2024/06/17
​Сант сумын хүн амины хэргийг улстөржүүлэхгүй байхыг хэрэгт холбогдогч… 2024/06/17
​Gucci-ийн Ази дахь аялал Банкокт саатлаа 2024/06/17
Х.Булгантуяаг дахин дэмжиж байна 2024/06/15
Хуваалцана гэдэг хамгийн сайхан 2024/06/15
Х.Булгантуяаг сайд болсноор нийгмийн хамгаалал илүү хүртээмжтэй болс… 2024/06/15
Хүн шиг амьдрах ирээдүйгээ хамтдаа сонгоцгооё 2024/06/15